Məktəb hücumlarına görə “Yeraltı” serialı dayandırılır? - Kanaldan AÇIQLAMA
Türk seriallarında zorakılıq səhnələrinin efirdən çıxarılması ilə bağlı müzakirələr səngimək bilmir.
SAVASHMEDİA.az xəbər verir ki, xüsusilə “Yeraltı” serialının yayımının dayandırılacağı iddiaları sosial mediada geniş rezonans doğurub və tamaşaçılar arasında suallar yaradıb.
Mövzuya aydınlıq gətirən jurnalist Birsen Altuntaş bu xəbərlərin həqiqəti əks etdirmədiyini bildirib. Onun sözlərinə görə, NOW TV-də yayımlanan layihənin bağlanması ilə bağlı hər hansı qərar yoxdur.
Xatırladaq ki, son günlər Şanlıurfa və Kahramanmaraşda baş verən məktəb hücumları televiziya məzmunlarında zorakılıq məsələsini yenidən gündəmə gətirib. Bu hadisələrdən sonra bəzi seriallarda zorakılıq səhnələrinin çoxluğu tənqid olunub, hətta müəyyən layihələrin dayandırılması ilə bağlı çağırışlar səsləndirilib.
Bununla belə, “Yeraltı” serialı yayımını davam etdirəcək. Sadəcə, növbəti bölümlərdə silah və zorakılıq səhnələrinin təqdimatında daha həssas və diqqətli yanaşmanın tətbiq ediləcəyi vurğulanır.
Aytən
