Paşinyanla görüşdə İlham Əliyevə təşəkkür etdi
“Mən Azərbaycan dövlət başçısına (İlham Əliyev) məhdudiyyətlərin ləğvi və ölkəsi vasitəsilə birbaşa ikitərəfli ticarətin aparılması qərarına görə minnətdarlığımı bildirirəm”.
SAVASHMEDİA.az xəbər verir ki, bunu Qazaxıstan Prezidenti Kasım-Jomart Tokayev Astanda Ermənistan Baş naziri Nikol Paşinyanla görüşündə deyib.
“Bu ilin noyabrında ilk 1 min ton Qazaxıstan buğdası Azərbaycan ərazisi ilə Ermənistana çatdırılıb. Bu təşəbbüsün mühüm siyasi və iqtisadi əhəmiyyəti var. Ermənistanı müntəzəm olaraq yüksək keyfiyyətli taxıl məhsulları və digər mallarla təmin etməyə hazırıq”, - o qeyd edib.
Xatırladaq ki, Azərbaycan Prezidenti İlham Əliyev oktyabrın 21-də Ermənistana yüklərin tranzitinə qoyulan məhdudiyyətlərin aradan qaldırıldığını açıqlamışdı.
