Qurban Qurbanova Avropanın hansı klubundan təklif gəlib? – AÇIQLAMA
"Qurban Qurbanova hər hansısa klubdan rəsmi təklif olmayıb".
SAVASHMEDİA.az xəbər verir ki, bunu "Qarabağ" klubunun Kommunikasiya Departamentinin rəhbəri Anar Hacıyev oxu.az-a açıqlamasında deyib.
O, sosial mediada "Spartak Moskva" (Rusiya) və "Benfika" (Portuqaliya) klublarının Qurban Qurbanovu baş məşqçi postuna əsas namizəd kimi nəzərdən keçirmələri barədə xəbərlərə münasibət bildirib:
"Qarabağ" klubu bu gün Misli Premyer Liqasında keçiriləcək "Sumqayıt"a və dörd gün sonra UEFA Çempionlar Liqasında "Napoli"yə qarşı keçiriləcək oyunlara hazırlaşır. Heç bir klubdan Qurban Qurbanova rəsmi təklif olmayıb".
Qeyd edək ki, son zamanlar mediada yayılan məlumatlara görə, baş məşqçi problemi ilə qarşılaşan "Spartak Moskva" və "Benfika" klubları baş məşqçi postuna əsas namizəd kimi Qurban Qurbanovu nəzərdən keçirirlər.
