Qalibiyyətə sevinmədi, isinmə hərəkətlərinə qatılmadı - İkardi "Qalatasaray"dan gedir?
“Qalatasaray”ın ulduz futbolçusu Mauro İkardi baş məşqçi Okan Burukun qərarlarından narazıdır.
SAVASHMEDİA.az Türkiyə mətbuatına istinadən xəbər verir ki, buna səbəb futbolçunun Çempionlar Liqası çərçivəsində keçirilən "Ayntraxt Frankfurt" və “Liverpul” matçlarında ilk 11-likdə olmamasıdır.
İkardi Burukun bu qərarına etiraz əlaməti olaraq “Liverpul” matçı öncəsində isinmə hərəkətləri etməyib, hətta oyundan sonra meydançadakı qalibiyyət sevincinə də qatılmayıb.
İkardinin ÇL matçlarında ilk 11-likdə iştirak etmədiyi üçün ruhdan düşdüyü, depressiv olduğu bildirilir.
Qeyd edək ki, argentinalı futbolçu ötən sezonun sonuna yaxın zədə alıb. Cari mövsümdə Türkiyə Super Liqasında Viktor Osimhenin zədələnməsindən sonra 8 matçda forma geyinib. 5 qol vurub.
Məlumata görə, baş məşqçi Okan Buruk İkardini hələ də arzuolunan fiziki səviyyədə olmadığı üçün Çempionlar Liqası matçlarında ilk 11-likdə oynatmır.
Banu
