Qanazlığını aradan qaldırır, qırışları azaldır... - Alçanın bilmədiyiniz faydaları
Alça həm dadlı, həm də sağlamlıq üçün faydalı bir meyvədir. Tərkibi vitaminlər və minerallarla zəngindir. Lakin alçanın faydası bununla bitmir.
SAVASHMEDİA.az alçanın əsas faydalarını oxucularının diqqətinə çatdırır.
Həzm sistemini tənzimləyir
Alça liflə zəngindir, bu da qəbizlik problemini aradan qaldırmağa və bağırsaq fəaliyyətini yaxşılaşdırmağa kömək edir.
Antioksidant təsirlidir
Tərkibindəki C vitamini və digər antioksidantlar sayəsində orqanizmi sərbəst radikallardan qoruyur, immun sistemini gücləndirir.
İştahı açır
Turş dadı mədənin turşuluğunu artıraraq iştahanı artırır. Xüsusilə uşaqlarda iştahsızlıq problemini azaltmaq üçün faydalıdır.
Qan təzyiqini tənzimləyir
Kaliumla zəngin olan alça yüksək təzyiqin qarşısını almağa kömək edir.
Dərinin sağlamlığına faydalıdır
C vitamini dərinin elastikliyini artırır, qırışların qarşısını alır və dərini təravətli saxlayır.
Arıqlamağa kömək edir
Aşağı kalorili olduğu üçün pəhrizlərdə istifadə olunur. Eyni zamanda toxluq hissi verdiyi üçün artıq yeməyin qarşısını alır.
Detoks effektlidir
Orqanizmdəki toksinləri atmağa kömək edir, qaraciyərin və böyrəklərin işini dəstəkləyir.
Dəmir əskikliyinə qarşı faydalıdır
Qanazlığı olan insanlara faydalıdır. Çünki tərkibindəki C vitamini dəmirin sorulmasını artırır.
Banu
