Rusiya pullarından bu məqsədlə istifadə ediləcək – Fransa müdafiə naziri
Fransa dondurulmuş Rusiya aktivlərindən aldığı faizləri Ukraynaya 195 milyon avro dəyərində silah tədarükünü maliyyələşdirmək üçün istifadə edəcək.
SAVASHMEDİA.az xəbər verir ki, bu barədə “Politico” nəşri Fransa müdafiə naziri Sebastyan Lekornünün “La Tribune” nəşrinə müsahibəsinə istinadən yazır.
Lekornu bildirib ki, Paris Ukrayna ordusunu AMX-10RC tankları və zirehli transportyorlarla təmin edəcək. “Bundan əlavə, bu il Rusiyanın dondurulmuş aktivlərinə olan maraq sayəsində biz 195 milyon avro dəyərində yeni paketi səfərbər edəcəyik. Bu da bizə 155 mm-lik mərmilər, həmçinin planlaşdırılan AASM avia bombalarını tədarük etməyə imkan verəcək. Ukraynanın “Mirage 2000” təyyarələri həmin bombalarla silahlanıb”, - deyə fransız müdafiə naziri vurğulayıb.
Lekornü qeyd edib ki, “böyük gözlənilməzliyinə baxmayaraq” ABŞ-ni Fransanın müttəfiqi hesab edir və Avropanın Rusiya təhlükəsi ilə üzləşməsinə baxmayaraq, sakitliyə çağırıb.
“Mən III Dünya müharibəsinin olacağını deyənlərə aid deyiləm. Biz sadəcə anlamalıyıq ki, indiyə qədər bildiyimiz hər şey şübhə altına qoyulur və bu, amerikalı tərəfdaşın gözlənilməzliyi ilə sürətlənir. Buna görə də qitəmizdə sülhü təmin etmək üçün müdafiə səylərimizi gücləndirməliyik”, - deyə nazir əlavə edib.
Xatirə SADİQ
