Rusiyada zavodda partlayış - 5 ölü, 20 yaralı
Rusiyanın Ryazan vilayətində barıt istehsalı zavodunda partlayışda ölənlərin sayı 5-ə çatıb.
Rusiya mətbuatı “Elastik” zavodunda yanğınla müşayiət olunan partlayışda yaralanan 20 nəfərdən 10-nun vəziyyətinin ağır olduğunu yazır.
Dağıntılar altında qalanların olduğu bildirilir.
İlkin ehtimala görə, partlayışa barıt istehsal edən sexdə texniki təhlükəsizlik qaydalarına əməl edilməməsi səbəb olub.
Qeyd edək ki, 2021-ci ildə də bu zavodda partlayış baş verib. Həmin vaxt barıt istehsalı sexində baş vermiş partlayışda 17 nəfər ölmüşdü. (apa)
