Saakaşvili türmədən açıqlama yaydı - İlham Əliyev haqqında nələr dedi? + VİDEO
Gürcüstanın sabiq prezidenti Mixeil Saakaşvili Azərbaycan Prezidenti İlham Əliyevin son addımlarını yüksək qiymətləndirib.
O, rəsmi “Facebook” hesabında paylaşdığı açıqlamada İlham Əliyevin Rusiya tərəfinə qarşı sərgilədiyi mövqeyi və göstərdiyi cəsarəti tərifləyib.
SAVASHMEDİA.az xəbər verir ki, Saakaşvili xüsusilə Əliyevin Rusiya barbarlığına və ikili standartlarına qarşı çıxışını “ləyaqətli davranış” kimi dəyərləndirib.
Sabiq prezident bildirib ki, həbs cədvəli səbəbindən Azərbaycan təyyarəsinin qəzası ilə bağlı başsağlığı verməkdə gecikib, amma İlham Əliyevin qətiyyətli addımlarını alqışlamağı vacib hesab edir.
Saakaşvilinin sözləri sosial mediada geniş müzakirə yaradıb və bir çox istifadəçi tərəfindən maraqla qarşılanıb. Onun bu çıxışı, Gürcüstan və Azərbaycan arasındakı münasibətlərdə müsbət təsir kimi qiymətləndirilir.
