"Sanki öz torpaqları uğrunda vuruşurdular" - Şoyqu koreyalılara təşəkkür etdi
"KXDR hərbçiləri Kursk bölgəsi uğrunda sanki öz torpaqları kimi döyüşürdülər".
SAVASHMEDİA.az xəbər verir ki, bunu Rusiya Federasiyası Təhlükəsizlik Şurasının katibi Sergey Şoyqu deyib.
“Onlar torpaqlarımızın azadlığı üçün elə səylə döyüşürdülər ki, sanki öz torpaqlarıdır”, - o vurğulayıb.
Şoyqu KXDR-dən olan həmkarlarına Kursk vilayətinin azad edilməsində göstərdikləri köməyə görə bir daha təşəkkür edib.
Aprelin 26-da Rusiya Federasiyası Silahlı Qüvvələrinin Baş Qərargah rəisi Valeri Gerasimov Rusiya prezidenti Vladimir Putinə Kursk vilayətinin ərazisinin Ukrayna Silahlı Qüvvələrindən tam azad edilməsi ilə bağlı məruzəsi zamanı regionun azad edilməsində KXDR-dən hərbi qulluqçuların rolunu qeyd edib. Putin də öz növbəsində KXDR əsgərlərinin peşəkarlığına, cəsarətinə və qəhrəmanlığına diqqət çəkərək onlara təşəkkür edib.
Oğuz
