Sərnişinlər qatardan düşürüldü, vaqonlardan birinin qapısı... - "28 May"-da nə baş verib?
"Həzi Aslanov-Dərnəgül" marşrutu üzrə hərəkət edən qatar "28 May" stansiyasında olarkən bir vaqonunun qapısında texniki nasazlıq yaranıb".
SAVASHMEDİA.az xəbər verir ki, bu barədə "Bakı Metropoliteni" QSC-nin Mətbuat Xidmətinin rəhbəri Bəxtiyar Məmmədov məlumat verib.
O bildirib ki, metropolitenin normativ tələblərinə uyğun olaraq sərnişinlərin düşürülməsi zərurəti yaranıb:
"Stansiyada sərnişin sıxlığı səbəbilə sərnişinlərin qatardan düşürülməsi prosesi 10 dəqiqə davam edib. Qatar depoya yola salınıb. Əvəzinə dərhal ehtiyat qatar verilib.
Ümumən, hər iki xətt üzrə intervaldan əlavə 11 dəqiqə yubanma var".
