"Sevilya" istədi, "Qarabağ" vermədi - Juninyo ilə bağlı iddia təsdiqləndi
“Bəli, “Sevilya”dan Olavio Juninyo ilə bağlı rəsmi təklif almışıq”.
SAVASHMEDİA.az xəbər verir ki, bunu mətbuata açıqlamasında “Qarabağ”ın direktoru Emrah Çelikel deyib.
İspaniya təmsilçisinin Ağdam klubunun futbolçusunu transfer etmək istəməsini şərh edən klub rəsmisi bunları deyib:
“Juninyonun klubumuz üçün çox önəmli futbolçu olduğu hər kəsə məlumdur. Hazırda edilən təkliflə ümumiyyətlə, razılaşmırıq. Çünki həm qış transfer dönəmində istənilən futbolçunu transfer etmək olmur, həm də Juninyo bizim üçün vacib oyunçudur. Amma sevindirici haldır ki, “Sevilya” kimi məşhur klub “Qarabağ”ın futbolçusuna maraq göstərir və bunu edərkən bizə qarşı böyük ehtiram sərgiləyir. Amma reallığa baxanda, bugünkü gündə transferə razılıq verməmişik”.
