Tramp 400 milyon dollarlıq hədiyyəni qəbul edəcəyini təsdiqlədi 

SAVASHMEDİA.az bu barədə “Politico” nəşrinə istinadən xəbər verir. 

Qətərin ABŞ-dakı mətbuat attaşesi Əli Əl-Ansari nəşrə bildirib ki, bu məsələ hazırda nəzərdən keçirilir və yekun qərar verilməyib.

Bu arada ABŞ prezidenti Donald Tramp dəbdəbəli hədiyyəni qəbul etmək niyyətində olduğunu təsdiqləyib. O, bunu “şəffaf sövdələşmə” adlandırıb və burada heç bir problem görmədiyini qeyd edib.

“The Moscow Times” yazır ki, bu xəbər Demokrat Partiyasında kəskin reaksiyasıya doğurub. Nümayəndələr Palatasının üzvü Adam Şiff ölkə prezidentini Konqresin razılığı olmadan xarici ölkələrdən hədiyyə qəbul etməyi qadağan edən Konstitusiyanı pozmaqda ittiham edib. Senator Çak Şumer təyyarənin verilməsini “sadəcə rüşvətxorluq deyil, ayaqlar üçün əlavə yer olan xarici mükafat təsiri” adlandırıb. Konqresmen Riçi Torres etik qaydaların dərhal nəzərdən keçirilməsini tələb edib.

Buna cavab olaraq Tramp demokratların özlərini korrupsiyada ittiham edib.  “Müdafiə Nazirliyinin 40 illik “Air Force Ona” təyyarəsini müvəqqəti olaraq əvəz etmək üçün çox açıq və şəffaf sövdələşmə yolu ilə pulsuz Boeing 747-ni hədiyyə alması faktı korrupsioner demokratları o qədər narahat edir ki, onlar bizim təyyarə üçün ən yüksək məbləği ödəməyimizi israr edirlər”, - deyə Tramp vurğulayıb. 

Bundan öncə ABC News mənbələri bildiriblər ki, hədiyyənin bu həftə Trampın Qətərə, həmçinin Səudiyyə Ərəbistanı və BƏƏ-yə ilk xarici səfəri çərçivəsində açıqlanması gözlənilir. Onların fikrincə, Amerika lideri səlahiyyət müddətinin sonuna qədər təyyarədən istifadə edə biləcək və bundan sonra mülkiyyət hüququ prezidentin kitabxana fonduna keçəcək. Bütün əlaqədar xərclər ABŞ Hərbi Hava Qüvvələri tərəfindən ödəniləcək. Nəşrin mənbələri hədiyyənin Trampın heç bir hərəkəti ilə bağlı deyil. Buna görə də rüşvət sayıla bilməz, təyyarə fiziki şəxsə deyil, dövlət qurumuna verildiyi üçün Konstitusiyanı pozmur.

Əgər Boeing 747-8 təhvil verilsə, bu, ABŞ hökumətinin indiyə qədər aldığı ən bahalı hədiyyələrdən biri olacaq. Tramp fevral ayında Floridadakı Mar-a-Laqo iqamətgahının yaxınlığındakı Palm Beach beynəlxalq hava limanında olan təyyarəyə şəxsən baxış keçirib. 

Məlumdur ki, Trampın Qətərdə şəxsi biznes maraqları mövcuddur. Aprelin 30-da onun “Trump Organization” şirkəti Doha yaxınlığındakı dəbdəbəli qolf kurortuna 3 milyard dollar sərmayə qoymaq niyyətini açıqlayıb. 

Xatirə SADIQ