Tramp onu doğrudanmı hədələyib? - Putin suala özü cavab verdi
Rusiya prezidenti Vladimir Putin BRİKS sammitindən sonra Kazanda keçirdiyi mətbuat konfransında ABŞ prezidentliyinə namizəd Donald Trampın onunla bağlı son açıqlamasına cavab verib.
Xatırladaq ki, Donald Tramp son müsahibələrinin birində Rusiya liderini Moskvanın “lənətə gəlmiş mərkəzini” vuracağı ilə hədələdiyini deyib.
SAVASHMEDİA.az Rusiya KİV-nə istinadla xəbər verir ki, Putinin bu iddiaya cavabı çox qısa olub: "Mən Trampla aramızda belə bir söhbətin olduğunu xatırlamıram".
Rusiya lideri əlavə edib ki, ABŞ-da seçki kampaniyası zamanı müxtəlif bəyanatlara skeptisizmlə yanaşmaq lazımdır.
Eyni zamanda, Putin əmin olduğunu bildirib ki, Tramp Ukraynadakı münaqişəni mümkün qədər tez bitirmək arzusunu bəyan edəndə bunu səmimiyyətlə deyir.
Oğuz
