“Zelenskinin tələbi ABŞ-də çaşqınlıq yaradıb” – Sergey Lavrov
“Ukrayna prezidenti Volodimir Zelenskinin Kiyevə “Tomahavk” raketlərinin tədarük edilməsi tələbi Vaşinqtonda çaşqınlıq yaradıb”.
SAVASHMEDİA.az Rusiya KİV-nə istinadən xəbər verir ki, bunu xarici işlər naziri Sergey Lavrov iddia edib.
Onun sözlərinə görə, Zelenskinin bəyanatları hər dəfə siyasətçi və insan kimi onun qeyri-adekvatlığını təsdiqləyir.
Xatırladaq ki, bu günlərdə Zelenskinin qələbə planının məxfi hissəsində ABŞ-dən “Tomahavk” raketlərini istəməsinin əks olunduğu barədə məlumatı “The New York Times” yaymışdı.
Qeyd edək ki, İslandiyada səfəri zamanı Zelenski bu konfidensial məlumatın KİV-ə sızmasını sərt tənqid edib.
Xatirə SADİQ
