Tramp üzərində öz şəkli olan “qızıl kart”ı göstərdi - VİDEO
ABŞ prezidenti Donald Tramp “Air Force One” təyyarəsinin göyərtəsində jurnalistlərə varlı əcnəbilərin istifadə edə biləcəyi 5 milyon dollar dəyərində “qızıl kart”ı nümayiş etdirib.
SAVASHMEDİA.az Fox News-a istinadən xəbər verir ki, kartın üzərində Trampın şəkli var.
“5 milyon dollara bu, sizin ola bilər. Bu, kartların birincisi idi. Bilirsinizmi, bu, nə kartdır? Bu, “qızıl kart”dır, Tramp kartıdır”, - deyə o, bildirib.
Mart ayında ABŞ-nin ticarət naziri Hovard Lutnik bildirdi ki, ölkə daimi yaşayış hüququ verən “qızıl kartların” satışı proqramını buraxıb. Hər kartın qiyməti 5 milyon dollardır. Yüksək qiymətə baxmayaraq, bu kartların 1000 ədədi cəmi bir gündə satılaraq büdcəyə 5 milyard dollar qazandırıb.
Xatirə SADİQ
