Tramp Zelenskini HƏDƏLƏDİ - "Çox pis olacaq"
ABŞ Prezidenti Donald Tramp Ukraynanı Rusiya ilə müharibəni başa çatdırmaq üçün razılaşma əldə etməyə çağırıb.
SAVASHMEDİA.az xəbər verir ki, Tramp oktyabrın 20-də Ağ Evdə jurnalistlərlə söhbəti zamanı ABŞ-nin Ukraynaya böyük həcmdə yardım göstərdiyini, lakin bunun əvəzində itkilər və maliyyə zərəri ilə üzləşdiyini bildirib.
“Biz Ukraynaya çox şey vermişik. Əvəzində isə kədər, ölüm və böyük maliyyə itkisi görmüşük”, - ABŞ lideri vurğulayıb.
Tramp razılaşmanın əldə olunmasının vacibliyini qeyd edərək, əks halda vəziyyətin daha da pisləşəcəyini əlavə edib.
“Zelenski bu müharibəni başa çatdırmalıdır, əks halda çox pis şeylər olacaq”, - o əlavə edib.
ABŞ prezidentinin bu açıqlamaları Vaşinqtonla Kiyev arasında münasibətlərin gərginləşdiyi, Ukrayna tərəfinin isə hərbi yardımın və kəşfiyyat dəstəyinin məhdudlaşdırılmasından narahatlığını ifadə etdiyi bir vaxta təsadüf edir.
Oğuz
