Trampın bu qərarı Kreml təbliğatçılarını sevindirdi 

SAVASHMEDİA.az xəbər verir ki, bu barədə “The Moscow Times” yazıb.

Nəşr qeyd edib ki, “Azadlıq” radiosunun Rusiya və keçmiş SSRİ ölkələrində milli dillərdə yayımlanan regional layihələrinin bağlanması xüsusi sevinclə qarşılanıb.

Kremlin rəsmi cavabı onların Rusiya üçün əhəmiyyətini minimuma endirən lakonik bəyanat olub. “Bu medianı Rusiyada populyar və tələbatlı adlandırmaq olmaz. Bu, ABŞ-nin daxili suveren məsələsidir, onun bizə xüsusi aidiyyatı yoxdur”, - deyə Rusiya prezidentinin mətbuat katibi Dmitri Peskov bildirib.

Bununla belə, Rusiya məmurları qeyri-rəsmi açıqlamalarında rəsmiləri etiraf ediblər ki, “Azadlıq” radiosunun nəşrləri, o cümlədən Rusiyanın etnik azlıqları və yerli xalqlarının dillərindəki materiallar Kremldə narazılığa səbəb olurdu. 

“İt kimi gəbərməlidir. Bu köhnəlmiş, küt alətdir. Amma dua edərdim ki, təsadüfən Trampı qəzəbləndirməyim”, - deyə Rusiyanın keçmiş məmurlarından biri deyib.

O, qeyd edib ki, təkcə “Azadlıq” və “Amerikanın səsi” radiolarının bağlanmasında deyil, Trampın digər addımlarını da dəstəkləyir.

Rusiya Xarici İşlər Nazirliyi hazırda ictimaiyyətə açıqlama verməkdən yayınır. Bununla belə, “The Moscow Times” qəzeti ilə söhbətində rusiyalı diplomat etiraf edib ki, nazirlik bu qərarı Rusiyanın xarici siyasəti, xüsusən də Moskvanın özünün təsir zonası hesab etdiyi keçmiş SSRİ ölkələri baxımından müsbət qiymətləndirir.

“Onlar, şübhəsiz ki, postsovet ölkələrində bizə ziyan vurdular, çünki onların işi bizi müttəfiqlərimizdən ayırmağa yönəlmişdi”, - deyə diplomat nəzərə çatdırıb.

Kremlin təbliğatını aparanlar isə Tramp administrasiyasının qərarına açıq şəkildə sevinirlər. “Bu gün mənim, RT və “Sputnik”dəki həmkarlarım üçün bayramdır. Bu, Trampın gözəl qərarıdır! Təəssüf ki, biz onları söndürə bilmədik, amma Amerikanın özü söndürdü”, - deyə RT-nin və “Rossiya Seqodnya” agentliyinin baş redaktoru Marqarita Simonyan deyib. 

Xatirə SADİQ