Üç rayonda bir sutka su olmayacaq
Üç rayonun müəyyən ünvanlarına suyun verilməsində fasilə yaranacaq.

Səbail, Nəsimi, Yasamal rayonlarının bir hissəsini içməli su ilə təmin edən magistral xətdə aparılacaq tikinti-bərpa və yenidənqurma işləri ilə əlaqədar bu rayonların müəyyən ünvanlarına suyun verilməsində fasilə yaranacaq.
SAVASHMEDİA.az xəbər verir ki, bu barədə ADSEA məlumat yayıb.
“İşlər 5 fevral, saat 10:00-da başlanılacaq, 6 fevral, saat 07:00-da yekunlaşdırılacaq. Bu tarixdən sonra suyun əvvəlki rejimlə verilməsi bərpa ediləcək”, - məlumatda bildirilib.