Ukrayna üçün silah sistemlərinin siyahısı hazırlandı
ABŞ Silahlı Qüvvələrinin Avropadakı baş komandanı Kristofer Kavoli Rusiya təcavüzünə qarşı mübarizədə Ukraynaya kömək edə biləcək silah sistemlərinin siyahısını hazırlayıb.
SAVASHMEDİA.az xəbər verir ki, bu barədə “CNN” mənbələrə istinadən məlumat yayıb.
“CNN” qeyd edib ki, keçən ayın əvvəlində Bayden administrasiyasının Ukrayna strategiyası ilə bağlı məxfi hesabata əlavə Konqresə ötürülüb. Sənəddə general Kris Kavoli ABŞ-nin Ukrayna ordusuna daha effektiv mübarizə aparmağa kömək edə biləcək imkanlarının siyahısını açıqlayıb.
Qeyd edilib ki, siyahıya yüksək dəqiqliklə xarakterizə olunan “hava-yer” tipli “Joint Air-to-Surface Standoff Missile” (JASSM) raketləri də daxildir.
Xatirə SADİQ
