Ukraynalı siyasətçi Medvedevə yerini göstərdi - “Get kinoya bax”
Ukrayna Prezident Ofisinin rəhbəri Andrey Yermak ABŞ-ni müharibə ilə hədələyən Rusiya Təhlükəsizlik Şurasının sədr müavini Dmitri Medvedevin bəyanatlarına cavab verib.
SAVASHMEDİA.az xəbər verir ki, bu barədə Yermak öz Telegram kanalında yazıb.
O, Amerikanın “Prezident təyyarəsi” filmindən sitatı xatırladıb: “Heç kim ABŞ ilə belə rəftar etməz. Prezident beysbol əlcəyini özünə qaytaracaq və bu oğlanla top oynayacaq!”.
Andrey Yermak qeyd edib ki, Medvedevə kinoseans lazımdır: “Ola bilsin ki, sevdiyi araqla, o, nəhayət, lazımi filmə baxacaq. Həmin film ona xatırladacaq: Amerika dözmür. Amerika cavab zərbəsi endirir”.
Xatirə SADİQ
