"Ümid edirəm, bunu açıqladığıma görə Blinken mənə hirslənməyəcək" - Lavrov hansı sirri açdı?
Rusiyanın xarici işlər naziri Sergey Lavrov amerikalı jurnalist Taker Karlsona geniş müsahibəsində ABŞ dövlət katibi Entoni Blinkenlə son görüşündən danışıb.
SAVASHMEDİA.az xəbər verir ki, o, Ukrayna müharibəsinin başlamasına az qalmış baş tutan həmin görüşlə bağlı bunları deyib:
"Mən ABŞ dövlət katibi Blinkeni çoxdan görmürəm. Sonuncu dəfə, deyəsən, 2021-ci ildə Romada keçirilən G20 sammitində üz-üzə gəlmişik. Mən həmin tədbirdə Rusiya prezidenti Vladimir Putini təmsil edirdim. Görüş zamanı Blinkenin köməkçisi yanıma gəldi və onun mənimlə on dəqiqə danışmaq istədiyini dedi. Otaqdan çıxdım. Blinkenlə əl sıxdıq. O, deeskalasiyanın zəruriliyi ilə bağlı nəsə dedi. Ümid edirəm ki, bu məlumatı açıqladığım üçün Blinken mənə hirslənməyəcək. Zalda çoxlu adam var idi. Dedim ki, biz eskalasiya istəmirik, amma ABŞ Rusiyaya “strateji məğlubiyyət” təklif edir. O, cavab verdi ki, bu, qlobal miqyasda “strateji məğlubiyyət” deyil, bu, yalnız Ukraynada baş verəcək"
Oğuz
