“Xristianlar nüvə silahından və qiyamətdən qorxmurlar” – Patriarx Kiril
Moskva və Bütün Rusiyanın patriarxı Kirill rusiyalıları nüvə silahından və qiyamətdən qorxmamağa çağırıb.
SAVASHMEDİA.az Rusiya KİV-nə istinadən xəbər verir ki, patriarx bunu Ümümdünya Rus Xalq Məclisinin XXVI plenar iclasında bildirib.
Onun sözlərinə görə, müxtəlif apokalipsis ssenariləri ətrafında qorxu oyatmaq mənəvi baxımdan faydalı deyil və onlarla oynamağa qətiyyən ehtiyac yoxdur
“Bəşər övladının düşməni insanların iradəsini iflic etmək və onları cəsarətdən məhrum etmək üçün onların qəlbinə çaşqınlıq və narahatlıq səpməyə çalışır, çünki mənəvi rahatlıqdan məhrum olan insanı manipulyasiya etmək daha asandır. Bütün bunlarla oynamağa ehtiyac yoxdur”, - Patriarx qeyd edib.
Kilsə xadimi onu da qeyd edib ki, xristianlar dünyanın sonu deyilən hadisədən qorxmurlar. Amma səssiz oturub baş verənlərə baxmaq da lazım deyil.
Patriarx Kirill hesab edir ki, şərə qarşı ayağa qalxmaq və yüksək mənəvi idealları müdafiə etməyə dəyər. Bu, məhz Rusiyanın hədəfidir.
Xatirə SADİQ
