Zelenskinin dünən Ağ Evə geyindiyi pencəklə bağlı maraqlı fakt - Dizayner danışdı
Ukrayna Prezidenti Volodimir Zelenski ABŞ Prezidenti Donald Trampla görüşündə ölkəsinin Müstəqillik Günü üçün tikilmiş pencək geyinib.
Bu barədə “Women's Wear Daily” jurnalına pencəyin dizayneri Viktor Anisimov bildirib.
Dizayner deyib ki, pencəyin dizaynı hələ yanvar ayında hazırlanıb.
Anisimovun sözlərinə görə, o, Zelenski ilə avqustun 15-də, Trampla görüşü hələ təsdiqlənməmiş görüşüb. Onun Ukrayna lideri ilə söhbəti avqustun 24-də Ukraynanın Müstəqillik Günü ilə bağlı tədbirlərdə iştirak üçün pencəyin hazırlanmasına həsr olunub.
Zelenski bundan sonra pencəyin Ağ Evə növbəti səfər üçün mükəmməl olacağına qərar verib.
Nəşr kostyumu “hərbi kətandan hazırlanmış fransız üslubunda rəsmi hərbi gödəkçə” adlandırıb. Anisimov iki variant hazırlayıb - qara və mavi. Dizayn hələ yanvar ayında, Zelenskinin fevralın sonunda Ağ Evə qalmaqallı səfərindən əvvəl - amerikalı jurnalist onu iş kostyumu geyinməkdən imtina etdiyinə görə tənqid etməsindən öncə hazırlanıb.
Anisimovun sözlərinə görə, Zelenskinin imic dəyişikliyi həmin hadisə ilə bağlı deyil. O qeyd edib ki, kostyum üzərində iş yanvarda başlayıb və Ağ Evdəki qalmaqaldan sonra Zelenskinin bu ideyadan əl çəkəcəyini gözləyib: “Ancaq yox, o qərara gəldi ki, biz davam edək. O, bu mövzunu mənimlə müzakirə etmir. Biz işimizi davam etdiririk, amma bu vəziyyətdən xəbərdarıq”. (teleqraf)
