27 “Grammy” mükafatlı bəstəkar Kuinsi Cons vəfat etdi
Amerikanın tanınməş bəstəkarı və aranjimançısı Kuinsi Cons 91 yaşında vəfat edib.
SAVASHMEDİA.az “Associated Press”ə istinadən xəbər verir ki, bu barədə müsuqişinin nümayəndəsi Arnold Robinson məlumat yayıb.
Robinson bildirib ki, musiqişi noyabrın 3-də axşam saatlarında Los-Ancelesin Bel Air rayonundakı evində, yaxınlarının əhatəsində dünyasını dəyişib.
“Bu, bizim üçün inanılmaz bir itki olsa da, biz onun yaşadığı böyük həyatı bayram edirik və bilirik ki, daha heç vaxt onun kimisi olmayacaq”, - deyə ailənin yaydığı məlumatda vurğulanıb.
Qeyd edək ki, K.Cons məşhur amerikalı müğənni Maykl Ceksonun “Thriller” (1982) albomunun prodüseri olub. Bu albom musiqi tarixində ən çox satılan albom olub. K.Cons 27 “Qrammy” mükafatına layiq görülüb.
Onun karyerası 1950-ci illərdə başlayıb. K.Cons artıq 1964-cü ildə “Mercury Records”un vitse-prezidenti təyin edilib və filmlər üçün musiqi yazmağa başlayıb.
Stiven Spilberq, Vudi Allen, Mayk Mayers kimi rejissorlarla əməkdaşlıq çərçivəsində 80 filmin saundtreklərini yazan K.Cons dövrün tanınmış müğənniləri ilə də əməkdaşlıq edib.
Xatirə SADİQ
