9 nəfəri öldürən şagirdin hadisədən öncəki VİDEOSU - Sinif yoldaşı çəkib
Türkiyənin Qəhrəmanmaraş bölgəsində orta məktəbə hücum edərək 9 nəfəri öldürən, 13 nəfəri yaralayan və sonda qəsd edən 14 yaşlı İsa Aras Mersinlinin hadisədən bir müddət əvvəl çəkilmiş videosu yayılıb.
SAVASHMEDİA.az xəbər verir ki, sinif yoldaşları tərəfindən dərs zamanı qeydə alınan bu görüntülərdə onun qəribə davranışları əks olunur.
Görüntülərdə Mersinlinin dərs zamanı sinif otağında biixtiyar fırlandığı və ətrafındakıları narahat edən qəribə hərəkətlər etdiyi görünür.
Mütəxəssislər bu cür "balanssız" davranışların gələcəkdə baş verə biləcək şiddət meyillərinin ilkin siqnalları ola biləcəyini qeyd edirlər.
İstintaq qrupu həm bu videoları, həm də ailə daxili münasibətləri araşdıraraq, 14 yaşlı yeniyetməni bu qanlı cinayətə sövq edən səbəbləri tam şəkildə üzə çıxarmağa çalışır. (milli.az)
