"ABŞ-dən gələn siqanallar maraqlarımıza uyğun deyil" - Rusiya Trampdan narazıdır
"ABŞ-ın yeni seçilmiş prezidenti Donald Trampın komandası indiyə qədər Ukrayna ilə bağlı Rusiya Federasiyasına maraqlı heç nə təklif etməyib”.
SAVASHMEDİA.az xəbər verir ki, bunu “Rossiya-24” telekanalına müsahibəsində Rusiyanın BMT-dəki daimi nümayəndəsi Vasili Nebenzya deyib.
“Bunlar nəyəsə hazır olmağın bir növ formalaşmamış, aydın olmayan siqnallarıdır. Biz tez-tez "münaqişənin donması" ifadəsini eşidirik. Prezident Putin sonuncu dəfə dekabrın 19-da qanuni təhlükəsizlik maraqlarımıza riayət olunmaq şərti ilə bu münaqişənin dondurulmaması, dayandırılması barədə hansı şərtlərlə danışığa hazır olduğumuzu açıq şəkildə söylədi. Amma hələ ki, Amerikanın yeni administrasiyasının siqnallarında bizim maraqlarımıza uyğun nəsə görmürük”, - rusiyalı diplomat bildirib.
Nebenzya əlavə edib ki, son vaxtlar Ukrayna tərəfdən də “razılaşmaların siqnalları” gəlir.
“Sual ondan ibarətdir ki, nəhayət, Zelenski danışıqlar masasına oturmaq istəyəndə, bu, hansı döyüş təmas xəttində baş verəcək. Məsələ budur”, - Nebenzya deyir.
