Ankara olayının iştirakçılarından birinin adı bilindi, polis qadını axtarır – Əli Orek kimdir?
Ankarada terror aktını törədənlərdən birinin şəxsiyyəti müəyyən edilib.
SAVASHMEDİA.az xəbər verir ki, bu barədə Türkiyənin daxili işlər naziri Əli Yerlikaya məlumat verib.
Onun sözlərinə görə, Kürdüstan Fəhlə Partiyasının (PKK) üzvü olan həmin şəxsin adı Əli Orek, təxəllüsü Roygerdir.
Nazir əlavə edib ki, terror hücumunda iştirak edən qadının şəxsiyyətinin müəyyən edilməsi istiqamətində işlər davam etdirilir.
Xatırladaq ki, dünən Ankaranın Kahramankazan rayonunda TUSAŞ təyyarə zavodunun obyektinə hücum olub. Əvvəlcə binanın yaxınlığında partlayış olub, bundan sonra silahlılar girişdən içəri daxil olublar. Hücum nəticəsində 5 nəfər ölüb, 22 nəfər yaralanıb. Türkiyə Daxili İşlər Nazirliyi iki terrorçunun məhv edildiyini açıqlayıb.
Xatirə SADİQ
