Astronavtların Aya uçusu təxirə salındı – NASA
NASA astronavtların Aya göndərilməsinin təxirə salınmasına aydınlıq gətirib.
SAVASHMEDİA.az xəbər verir ki, bu barədə “Amerikanın səsi” məlumat yayıb.
NASA başçısı Bill Nelson bildirib ki, dörd astronavtın Ay ətrafında uçaraq Yerə qayıtmasını nəzərdə tutan “Artemida” proqramı çərçivəsində növbəti missiya 2025-ci ilin sentyabrından 2026-cı ilin aprelinədək təxirə salınmışdı.
Lakin eniş aparatının iki il əvvəl ilk sınaq uçuşu zamanı istilik qoruyucusunun zədələnməsi ilə bağlı araşdırma çox vaxt aparıb. Bundan əlavə, kosmik gəmi ilə bağlı digər təkmilləşdirmələrin aparılması lazım olub.
Nəticədə Aya eniş edən digər iki astronavtla birlikdə “Artemida”nın üçüncü missiyası, ən azı, 2027-ci ilə qədər təxirə salınıb. NASA bunu 2026-cı ildə həyata keçirməyi planlaşdırırdı.
Nelson bildirib ki, dörd astronavtla növbəti uçuş zamanı “Orion” eniş aparatından istifadə ediləcək. Bu aparat eyni ekrana malikdir, lakin atmosferə girişinin trayektoriyası dəyişdiriləcək.
Nelsonun sözlərinə görə, yenidən işlənmiş cədvəl ABŞ-yə 2030-cu ilə qədər astronavtları Aya qaytarmağa imkan verəcək. Bu, Çinin öz ekipajını endirməsindən öncə baş verəcək.
Xatirə SADİQ
