Bayden yeni prezidenti Ağ Evə dəvət etdi
Donald Trampın seçkiqabağı qərargahı Co Baydenin və Kamala Harrisin yeni seçilmiş prezidenti təbrik etmələri ilə bağlı bəyanat yayıb.
SAVASHMEDİA.az xəbər verir ki, bu barədə “Amerikanın səsi” yazıb.
“Prezident Co Bayden prezident Donald J. Trampa zəng edərək onu qələbəsi münasibətilə təbrik edib və hazırkı administrasiya ilə yeni administrasiya arasında rahat keçidi təmin etmək üçün onu Ağ Evə dəvət edib. Prezident Tramp bu görüşü səbirsizliklə gözləyir və onun yaxın vaxtda baş tutacağına ümid edir. Donald Tramp bu zəngi çox yüksək qiymətləndirdi”, - deyə bəyanatda vurğulanıb.
Trampın qərargahından bildirilib ki, Harrislə telefon danışığı zamanı 47-ci prezident onun mübarizəsini yüksək qiymətləndirib: “Tramp kampaniya boyu vitse-prezident Harrisin gücünü, peşəkarlığını və əzmkarlığını yüksək qiymətləndirdi və hər iki lider milli birliyin vacibliyini dərk etdi”.
Xatirə SADİQ
