"Danışıq üçün bura rahatdır" - Putin Zelenskini Səudiyyə Ərəbistanına çağırdı
“Rusiya Ukrayna ilə bağlı danışıqları Səudiyyə Ərəbistanında aparmağa hazır olardı, lakin hələlik danışıqlar üçün gündəm yoxdur”
SAVASHMEDİA.az xəbər verir ki, bunu Vladimir Putin BRİKS ölkələrinin media rəhbərləri ilə görüşündə deyib.
“Əgər belə tədbirlər (Ukrayna üzrə konfrans – red) Səudiyyə Ərəbistanında təşkil olunarsa, yerin özü bizim üçün kifayət qədər rahatdır. Ancaq məsələ nəyi müzakirə etməkdir”, - deyə Rusiya lideri qeyd edib.
Qeyd edək ki, 2022-ci ilin sentyabrında Səudiyyə Ərəbistanı münaqişə tərəfləri arasında əsirlərin mübadiləsində birbaşa iştirak edib. 2023-cü ilin avqustunda isə Ciddədə Ukraynada nizamlanma ilə bağlı 40 dövlətin iştirak etdiyi sammit keçirildi. Həmin tədbirə Rusiya dəvət olunmadı.
2023-cü ilin sonunda Ər-Riyadda G7 ölkələrinin milli təhlükəsizlik müşavirlərinin iştirakı ilə gizli görüş keçirildi və onlar digər məsələlərlə yanaşı, Ukraynada sülh yolu ilə nizamlanma variantlarını və Rusiya ilə potensial qarşılıqlı fəaliyyət prinsiplərini müzakirə etdilər.
Xatirə SADİQ
