"Dünyanın ABŞ-nin qızıl dövrünə ehtiyacı var" - Trampdan böyük vədlər
ABŞ-nin kütləvi informasiya vasitələri yeni seçilmiş prezident Donald Trampın qələbə çıxışını canlı yayımlayıb.
SAVASHMEDİA.az-ın məlumatına görə, Tramp səsvermənin nəticələrindən çox razı qaldığını bildirib.
“Biz bütün maneələri dəf edə bildik. Bu, ABŞ xalqının heç vaxt görmədiyi siyasi qələbədir. Budur, qarşınızda ABŞ-nin 45-ci və 47-ci prezidenti dayanıb. Mən səsvermənin mütləq nəticəsindən çox məmnunam”, - Tramp vurğulayıb.
O deyib ki, ölkəni “sağaltmağa” hazırlaşır: “Mən sizin ailələriniz, rifahınız üçün hər gün mübarizə aparacağam. Hamınızın layiq olduğu firavan Amerikanı geri qaytarmaq istəyirəm. Bu dünyanın ABŞ-nin qızıl dövrünə ehtiyacı var. Bu fantastik qələbə Amerikanı yenidən möhtəşəm edəcək”, - Tramp bildirib.
Tramp əlavə edib ki, amerikalı seçicilər ona “görünməmiş səlahiyyətlər” veriblər, çünki Respublikaçılar Partiyası Senata nəzarəti geri alır və çox güman ki, Nümayəndələr Palatasına da nəzarəti saxlayacaq.
O bildirib ki, sərhədləri qeyri-qanuni miqrantların üzünə bağlayacaq və hər kəs ABŞ-yə yalnız leqal şəkildə gedə biləcək.
Xatirə SADİQ
