Ərdoğan Putinə doğum günü hədiyyəsi göndərdi – Yuri Uşakov “gözəldir” dedi
Türkiyə prezidenti Rəcəb Tayyib Ərdoğan rusiyalı həmkarı Vladimir Putinə ad günü münasibətilə “gözəl türk hədiyyəsi” göndərib.
SAVASHMEDİA.az “TASS”a istinadən xəbər verir ki, bu barədə Rusiya prezidentinin köməkçisi Yuri Uşakov danışıb.
“Türkiyə prezidenti dünənki söhbətindən əvvəl xüsusi olaraq hədiyyə göndərib”, deyə köməkçi vurğulayıb.
Putinin doğum günü ilə əlaqədar daha hansı hədiyyələri ilə bağlı suala köməkçi “hədiyyələr vardı” qısa cavabını verib.
Qeyd edək ki, Ərdoğan Rusiya liderini doğum günü münasibətilə telefonla təbrik edib. Söhbət zamanı dövlət başçıları ikitərəfli münasibətlərin aktual məsələlərini və beynəlxalq gündəliyi, o cümlədən Yaxın Şərqdəki vəziyyəti müzakirə ediblər.
Xatirə SADİQ
