“Fənərbaxça” azarkeşləri Ali Koça görə bir-birinə girdilər - Davanın VİDEOSU
Türkiyə Superliqasının 18-ci turunda “Fənərbaxça” evdə “Hatayspor”u qəbul edib.
SAVASHMEDİA.az xəbər verir ki, görüş İstanbul təmsilçisinin 2:1 hesablı qələbəsi ilə yekunlaşıb.
“Fənərbaxça”nın heyətində En-Nesiri dubla imza atıb (17, 45+5). “Hatayspor”dan isə 33-cü dəqiqədə Bilal Butobba fərqlənməyi bacarıb.
Bundan başqa, matçda gərgin anlar yaşanıb. “Fənərbaxça” azarkeşləri arasında dava düşüb. Belə ki, qarşılaşma zamanı “sarı-lacivərd”li azarkeşlər klubun idarəçilərini istefaya səsləyib, eləcə də “Ali Koç istefa!”, “İdarə heyəti istefa!” şüarları səsləndiriblər. Bu da azarkeşlər arasında mübahisəyə səbəb olub.
Görüntüləri təqdim edirik:
