Fransızlar bu gecə İsrailə necə kömək edib?
Fransa hərbçiləri İranın oktyabrın 2-nə keçən gecə İsrailə qarşı hücumunun dəf edilməsində iştirak ediblər.
SAVASHMEDİA.az xarici KİV-ə istinadən xəbər verir ki, bu barədə Fransa prezidenti Emmanuel Makronun dəftərxanası məlumat yayıb.
“İsrailin təhlükəsizliyini təmin etmək öhdəliyinə sadiq qalan Fransa İrandan gələn təhlükənin qarşısını almaq üçün Yaxın Şərqdəki hərbi resurslarını səfərbər edib”, - deyə məlumatda bildirilib.
Fransanın dövlət başçısı Livandakı “Hizbullah” hərəkatını İsrailə və əhalisinə qarşı terror fəaliyyətini dayandırmağa çağırıb.
“Jerusalem Post” yazıb ki, İran İsrailə 500-ə yaxın raket zərbəsi endirib. Onların bəziləri şəhərlərə çatıb, ölkənin cənubundan və mərkəzindən partlayışlar barədə xəbərlər gəlib.
İsrail ordusunun sözçüsü Daniel Hagari bildirib ki, raketlərdən bəziləri vurulub, lakin hədəfinə çatanlar da olub.
Xatirə SADİQ
