Gürcüstanın baş naziri Aİ səfirini hədələdi
Gürcüstanın baş naziri İrakli Kobaxidze Avropa İttifaqının (Aİ) səfiri Pavel Qerçinskini ritorikasını dəyişməyəcəyi təqdirdə diplomatik cavab verəcəyi ilə hədələyib.
SAVASHMEDİA.az xəbər verir ki, bu barədə “News Ceorcia” məlumat yayıb.
Kobaxidze hesab edir ki, Gerçinski radikal müxalifətin lehinə və hakim komandaya qarşı seçkiqabağı təbliğat kampaniyasında birbaşa iştirak edib. O, Aİ səfirini Vyana Konvensiyasını və demokratik seçki prinsiplərini kobudcasına pozmaqda ittiham edib.
Baş nazirin fikrincə, Gerçinski Aİ-yə üzvlük danışıqlarının açılışının dondurulması ilə bağlı bəyanatından sonra dezinformasiya kampaniyasında da iştirak edib. Kobaxidze hesab edir ki, bu, diplomatın qərarı Avropaya inteqrasiyanın dayandırılması kimi interpretasiyasında göstərib.
O, qeyd edib ki, reallıqda Gürcüstan hakimiyyəti Avropa kursundan əl çəkməyib.
“Bir müddətdir ki, biz bu cür hadisələrə diplomatik reaksiya verməkdən çəkinmişik, lakin hər şeyin öz hüdudu var. Əgər gələcəkdə bu kimi faktlarla bağlı istər Aİ səfiri, istərsə də digər müvafiq səfirlərin davranışında dəyişiklik görməsək, biz buna mütləq reaksiya verəcəyik. Söhbət diplomatik reaksiyadan gedir”, - Kobaxidze bildirib.
Cümə axşamı Kobaxidze 2028-ci ilə qədər ölkənin Aİ-yə daxil olması ilə bağlı danışıqlara başlamaq və Aİ-nin bütün büdcə qrantlarından imtina məsələsinin gündəmdən çıxarıldığını elan edib.
Bu, Avropa Parlamentinin Gürcüstanda keçirilən son parlament seçkilərinin azad və ədalətli olmadığını bildirən və beynəlxalq nəzarət altında yenidən keçirilməsini tələb edən tənqidi qətnaməsindən sonra baş verib.
Xatırladaq ki, oktyabrın əvvəlində Brüssel antidemokratik davranış səbəbindən Gürcüstanın üzvlük prosesinin dayandırıldığını elan etmişdi.
Xatirə SADİQ
