Gürcüstanın keçmiş prezidenti Avropaya səsləndi – “Köhnə qanunları unudun…”
“Xarici agentlər haqqında qanuna reaksiya vermək məqsədilə diplomatik pasport sahibləri üçün vizasız rejimin dayandırılması qərarı müəyyən dərəcədə qeyri-adidir”.
SAVASHMEDİA.az gürcü KİV-nə istinadən xəbər verir ki, bunu Gürcüstanın eks-prezidenti Salome Zurabişvili X sosial platformasında yazıb.
“Ondan [qanundan] sonra Gürcüstan ən pisini yaşadı: oğurlanmış seçkilər, Avropa yolunun dayandırılması, kütləvi etirazlar, zorakı repressiyalar. Köhnə qanunları unudun, yeni seçkilərin təyin edilməsini tələb edin!”, - deyə Zurabişvili avropalı siyasətçilərə müraciət edib.
Xatırladaq ki, dünən Avropa İttifaqı Şurası Gürcüstanın diplomatik və xidməti/rəsmi pasport sahibləri üçün vizasız rejimin dayandırılması barədə qərar qəbul edib.
Xatirə SADİQ
