Havanın temperaturu daha da YÜKSƏLƏCƏK – BU TARİXLƏRDƏ
Milli Hidrometeorologiya Xidməti isti hava şəraiti ilə bağlı məlumat yayıb.
SAVASHMEDİA.az xəbər verir ki, həftəsonuna qədər (3 avqustadək) ölkə ərazisində isti hava şəraitinin davam edəcəyi, havanın maksimal temperaturunun Bakıda və Abşeron yarımadasında +35 dərəcədən +39 dərəcəyədək, avqustun 2-3-də +40 dərəcəyə yaxın, dağlıq rayonlarda +29 dərəcədən +34 dərəcəyədək, Mərkəzi Aran, eyni zamanda, Naxçıvan MR-da isə +35 dərəcədən +40 dərəcəyədək, bəzi yerlərdə +41 dərəcəyədək isti olacağı gözlənilir.
Abşeron yarımadasında, o cümlədən, sahilyanı ərazilərdə cənub-şərq küləklərinin üstünlüyü gözlənilir ki, bu da havada nisbi rütubətin yüksəlməsinə və durğun hava şəraitinin olmasına səbəb olacaq.
