İlon Maskın “Tesla”sının Çin bazarındakı durumu ağırlaşıb
Amerikalı milyarderin sahibi olduğu “Tesla” şirkətinin Çində istehsal olunan elektrik avtomobillərinin satışı may ayında illik müqayisədə 15% azalıb.
SAVASHMEDİA.az bu barədə “Reuters” agentliyinə istinadən xəbər verir.
Çin Avtomobil Assosiasiyasının məlumatına görə, bu eniş ardıcıl olaraq səkkizinci aydır davam edir və dünyanın ən böyük avtomobil bazarında şiddətli qiymət müharibəsi fonunda baş verir.
Aprel ayında azalma 6% olub, lakin bu ilin aprel ayı ilə müqayisədə satışlar 5,5% artıb. Söhbət həm ölkə daxilində satılan, həm də Avropaya ixrac edilən Model 3 və Model Y-dən gedir.
“Tesla” birinci rübdə ən böyük bazarı olan Çində tələbi stimullaşdırmağa çalışır, xüsusən də iyunun sonuna qədər “ağıllı” avtopilotun funksiyalarını yeni avtomobillərə köçürməyi təklif edir. Bundan başqa, Model 3 və Y ilk dəfə olaraq kənd yerlərində elektromobillərin təşviqi üzrə dövlət proqramına daxil edilib.
Şirkət daha ucuz, lakin yüksək texnologiyalı modellərə istehsal edən yeni rəqiblərin təzyiqinə məruz qalıb. 2023-cü ildən bəri “Tesla” 40-dan çox brendin artıq iştirak etdiyi genişmiqyaslı qiymət müharibəsinə başlayıb.
Çin bazarında vəziyyəti daha da ağırlaşdıran BYD mayın sonunda 20-dən çox modelin qiymətini aşağı salıb. Digər avtomobil istehsalçıları “Geely” və “Chery” də eyni addımı atıblar. Buna cavab olaraq, Çin hakimiyyəti yorucu qiymət müharibəsinə son qoymağa çağırıb.
Bununla yanaşı, may ayında BYD sərnişin avtomobilinin satışları aprel ayındaki 19,4 faizdən 14,1 faiz artıb.
Xatirə SADİQ
