Jan-Mari Le Pen öldü
Fransanın “Milli Cəbhə” partiyasının keçmiş lideri Jan-Mari Le Pen 96 yaşında vəfat edib.
SAVASHMEDİA.az xəbər verir ki, bu barədə “Le Monde” məlumat yayıb.
Onun yaxınları bildiriblər ki, siyasətçi bir neçə həftə əvvəl aparıldığı Qarş kommunasındakı tibb müəssisəsində dünyasını dəyişib.
“Jan-Mari Le Pen çərşənbə axşamı saat 12:00-da ailəsinin əhatəsində Tanrının hüzuruna getdi", - deyə “France-Presse” agentliyi siyasətçinin qohumlarından sitat gətirib.
Jan-Mari Le Pen 1972–2011-ci illər ərzində “Milli Cəbhə”yə rəhbərlik edib. O, beş dəfə prezidentliyə namizədliyini irəli sürsə də, yalnız 2002-ci ildə seçkilərin ikinci turuna keçə bilmişdi. Lakin 17,8% səslə Jak Şiraka məğlub olmuşdu.
2011-ci ildə Le Pen partiyanın idarə edilməsini öz qızı Mariyə təhvil verdi. 2015-ci ildə isə isə Le Pen “Milli Cəbhə”dən xaric edildi. 2018-ci ildə partiya adını dəyişdirərək, “Milli Birlik” adlandırıldı.
Xatirə SADİQ
