Moldova MDB-dən tamamilə çıxması üçün lazımi prosedurlara başladı
Moldovanın Xarici İşlər Nazirliyi respublikanın Müstəqil Dövlətlər Birliyindən (MDB) tamamilə çıxması üçün zəruri prosedurlara başlayıb.
SAVASHMEDİA.az xəbər verir ki, bu barədə XİN rəhbəri Mihai Popşoi "Moldova Radiosu"na bildirib.
Nazirin sözlərinə görə, hazırda departament MDB-nin təsis müqaviləsinin, onun əlavələrinin və Birliyin nizamnaməsinin ləğvi ilə bağlı layihənin hazırlanması ilə məşğuldur.
"Bu üç fundamental müqavilənin ləğvi ilə Moldova Respublikası rəsmi olaraq MDB-nin tərkibindən çıxacaq. Və bu proses artıq başlayıb. Biz bu qərarı bu yaxınlarda verdik. Təsdiq prosesi başlayıb", - deyə Moldova xarici işlər naziri bildirib.
Nazir əlavə edib ki, hazırlıq prosesi fevralın ortalarına qədər başa çatacaq. Bundan sonra parlament qərar qəbul edəcək.
Aytən
