“Neftçi”yə qol vuran "Araz Naxçıvan"lıdan iddialı açıqlama
"Araz-Naxçıvan"ın futbolçusu Felipe Santos Misli Premyer Liqasının 12-ci turunda səfərdə "Neftçi"yə qalib gəldikləri matç (1:0) haqqında fikirlərini bölüşüb.
SAVASHMEDİA.az xəbər verir ki, komandasının qələbə qolunu vuran braziliyalı hücumçu sosial şəbəkə hesablarında etdiyi paylaşımda yazıb ki, bundan sonra da fərqlənməyə davam edəcək:
"Komandama bir qolla kömək etdiyim üçün çox şadam. Vacib qələbə qazandıq, hər kəsi təbrik edirəm. Məhsuldar ötürmə üçün Ramon Maçadoya minnətdaram. 6 oyunda 6 qol vurmuşam və düşünürəm ki, ardı gələcək".
