“O, Putini sevir, Putin də onu...” – Donald Tramp
ABŞ-nin eks-prezidenti Donald Tramp Ağ Evdən getdikdən sonra Vladimir Putinlə telefon danışığı barədə xəbərləri təsdiq və ya təkzib etməkdən imtina edib.
SAVASHMEDİA.az xəbər verir ki, prezidentliyə namizəd Tramp bu barədə Çikaqo İqtisadi Forumunda çıxışı zamanı danışmalı olub.
2021-ci ildən sonra Putinlə iddia edilən söhbətləri barədə moderatorun sualına Tramp belə cavab verib: “Mən bunu şərh etmirəm, amma sizə belə deyəcəyəm: əgər mən bunu etmişəmsə, bu, ağlabatan bir işdir. Əgər insanlarla dostluq edirəmsə, insanlarla münasibətə malikəmsə, bu yaxşıdır, dövlət nöqteyi-nəzərindən pis deyil”.
Sonra o xatırladıb: “Putinin də bizim kimi 2000 nüvə başlığı var”.
ABŞ prezidentliyinə namizəd Putinin hörmətə layiq olmasından danışıb: “Rusiyanın heç vaxt bu qədər hörmətli prezidenti olmayıb, amma daha vacibi və ya daha az əhəmiyyətlisi, mən Rusiyaya gəldim və insanlar dedi: o (Tramp - Red.) Putini sevir, Putin də onu sevir”.
O, həmçinin bildirib ki, ilk atdığı addım bu vaxta qədər heç kimin eşitmədiyi “Şimal axını-2”nin tikintisini dayandırmaq olub.
Qeyd edək ki, Ağ Evi tərk etdikdən sonra Trampın Putinlə 7 dəfə telefon danışıqları apardığı barədə məlumat “Washington Post” qəzetinin redaktoru Bob Vudvordun “Müharibə” kitabında əksini tapıb.
Bayden administrasiyası bu məlumatın ciddi narahatlıq doğurduğunu bəyan edib.
Xatirə SADİQ
