“Putin o vaxt mənə yalan demişdi” - NATO baş katibi
NATO-nun baş katibi Mark Rutte Rusiya prezidenti Vladimir Putinə şəxsi münasibətini açıqlayıb.
SAVASHMEDİA.az “The Guardian” nə.rinə istinadən xəbər verir ki, Rutte bu barədə NATO sammitinin toplantısından sonra danışıb.
“Mən bu adama güvənmirəm. 2014-cü ilin iyulunda Rusiya tərəfindən vurulan “Malayziya Hava Yolları”na məxsus MH17 reysi ilə bağlı dəhşətli vəziyyət yarananda, əlbəttə ki, mən onunla şəxsən çox ünsiyyətdə oldum. Putin mənə dedi ki, (Rutte o zaman Niderlandın baş naziri idi – red.) Donbasda deyil və onun Ukraynada heç bir işi yoxdur və sair. Bunlar hamısı yalan idi”, - deyə baş katib xatırladıb.
O, əlavə edib ki, Putin indi çətin ki, xoşbəxtdir, çünki o, Qərbi parçalamaq istəyirdi, amma əvəzində NATO ölkələri müdafiə xərclərini artırır.
Xatirə SADİQ
