Putin Şoltsdan Zelenskiyə mesaj göndərib? - Kremldən AÇIQLAMA
Rusiya prezidenti Vladimir Putin Almaniya kansleri Olaf Şolts vasitəsilə Ukrayna prezidenti Volodimir Zelenskiyə heç bir ismarıc göndərməyib.
SAVASHMEDİA.az xəbər verir ki, bu barədə Rusiya KİV-nə ölkə prezidentinin mətbuat katibi Dmitri Peskov deyib.
Onun sözlərinə görə, Şoltsun Kiyevə səfərindən Kremlin heç bir gözləntisi yoxdur.
“Mən deməzdim ki, bizim bu səfərdən gözləntilərimiz var. Biz, əlbəttə ki, bütün təmasları izləyirik”, - Kremlin sözçüsü qeyd edib.
Peskov əlavə edib ki, Moskva bu məsələ ilə bağlı Kiyevdən gələcək bütün xəbərləri diqqətlə izləyir.
Xatırladaq ki, alman kansleri dekabrın 2-də qəfildən Kiyevə səfər edib.
Xatirə SADİQ
