“Putin uduzduğunu başa düşməlidir, onun vaxtı çatıb ” – Trampdan SENSASİON SÖZLƏR
“Ukrayna prezidenti Vladimir Zelenski Rusiya ilə sülh əldə etmək istəyır və barışıq əldə olunmasına tərəfdardır”.
SAVASHMEDİA.az xəbər verir ki, bunu ABŞ-nin yeni seçilmiş prezidenti Donald Tramp “The New York Post”a müsahibəsində deyib.
Onun sözlərinə görə, Rusiya prezidenti Vladimir Putin uduzduğunu başa düşməli və sülh istəməlidir.
Tramp qeyd edib ki, dekabrın 7-də Parisdə Zelenski ilə görüşdə mümkün sülh təşəbbüsünün təfərrüatları barədə danışmayıblar. Bununla belə, Trampın sözlərinə görə, Ukrayna prezidenti sülhün vaxtının çatdığını başa düşür.
“Düşünürəm ki, Putin başa düşməlidir ki, vaxt çatıb, çünki o, uduzub: 700 min insanı itirəndə, bu, vaxtın çatdığını göstərir. İndi mən bu gülünc müharibəni necə bitirmək barədə konsepsiya hazırlayıram”, - deyə Tramp vurğulayıb.
Xatirə SADİQ
