“Rusiya prezidentinə Trampın ismarıcı çatdırılmayıb” – Dmitri Peskov
Rusiya prezidenti Vladimir Putinlə telefon danışığı zamanı Macarıstanın baş naziri Viktor Orban həmsöhbətinə ABŞ-nin yeni seçilmiş prezidenti Donald Trampın ismarıcını çatdırmayıb.
SAVASHMEDİA.az xəbər verir ki, bu barədə Kremlin sözçüsü Dmitri Peskov “TASS” agentliyinə bildirib.
Peskov qeyd edib ki, Putinlə Tramp arasında danışıq üçün heç bir hazırlıq aparılmır və ABŞ belə təşəbbüslə çıxış etməyib.
Qeyd edək ki, dekabrın 9-da Orban ABŞ-nin yeni seçilmiş prezidenti Donald Trampla onun Mar-a-Laqo iqamətgahında görüşüb.
Dekabrın 11-də isə Orban Rusiya prezidentinə zəng edərək, 1 saat telefonda danışıb.
Kremldən verilən məlumata görə, Putin Ukrayna ətrafında vəziyyətin hazırkı inkişafı ilə bağlı prinsipial qiymətləndirmələri açıqlayıb. Rusiya lideri iddia edib ki, Kiyev münaqişənin sülh yolu ilə həlli imkanlarını istisna edir.
Xatirə SADİQ
