Rusiyalıların ölkəmizdə qalma müddəti dəyişdirilir - Azərbaycan XİN
Azərbaycan tezliklə rusiyalıların ölkəmizdə qalma qaydalarını dəyişəcək.
SAVASHMEDİA.az xəbər verir ki, bunu Xarici İşlər Nazirliyinin (XİN) mətbuat katibi Ayxan Hacızadə deyib.
Onun sözlərinə görə, Azərbaycan tərəfi müvəqqəti qalma və miqrasiya məsələlərində “paritet və qarşılıqlılıq prinsiplərindən çıxış edəcək”.
Azərbaycan Xarici İşlər Nazirliyi bəyan edib ki, bu qərar əcnəbilərin Rusiyada qalma qaydalarına edilən dəyişikliklərlə əlaqədar verilib.
Xatırladaq ki, Rusiya Xarici İşlər Nazirliyi dekabrın 26-da əcnəbilərin Rusiyada qalma qaydalarına dəyişiklikləri açıqlayıb.
Yanvarın 1-dən Rusiyaya vizasız gələn əcnəbilər il ərzində Rusiyada ümumilikdə 90 günə qədər qala biləcəklər. Əvvəllər bu müddət altı ay təşkil edirdi.
Xatirə SADİQ
