Şahzadə Harri Kiyevə səfər etdi - FOTO

SAVASHMEDİA.az bu barədə “The Guardian” nəşrinə istinadən xəbər verir.

Məlumata görə, Harri və onun “Invictus Games Foundation” komandası Ukraynanın bütün bölgələrində yardım göstərmək məqsədi ilə yaralıların reabilitasiyasının dəstəklənməsi üzrə yeni təşəbbüslərdən ətraflı danışmaq niyyətindədir.

“Biz müharibəni dayandıra bilmərik, lakin bərpa prosesinə kömək etmək üçün əlimizdən gələni edə bilərik. Biz bu müharibədə iştirak edən insanları və onların yaşadıqlarını humanistləşdirməyə davam edə bilərik. Bunu insanların diqqət mərkəzində saxlamalıyıq. Mən ümid edirəm ki, bu səfər bunu insanlara çatdırmağa kömək edəcək, çünki baş verənlərə qarşı həssaslığı itirmək çox asandır”, - deyə Kiyevə gecə qatarında gələrkən şahzadə Harri “The Guardian”a danışıb.
 
Şahzadənin sözlərinə görə, onu Kiyevə ilk dəfə Lvovda amputasiyalı yaralıların müalicəsi ilə məşğul olan “Superhumans” mərkəzinin qurucusu və baş direktoru Olqa Rudneva dəvət edib. O, aprel ayında mərkəzə baş çəksə də, Rudneva ilə bir neçə ay əvvəl ABŞ-də təsadüfən tanış olub.

“Mən Nyu Yorkda Olqa ilə qarşılaşdım. Bu, təsadüfi görüş idi və mən ondan necə kömək edə biləcəyimi soruşdum. O dedi: “Sizin malik ola biləcəyiniz ən böyük təsir Kiyevə gəlməkdir”. Hər şeyin qaydasında olduğundan əmin olmaq üçün həyat yoldaşımla və Britaniya hökuməti ilə məsləhətləşməliydim. Sonra rəsmi dəvət gəldi”, - deyə şahzadə vurğulayıb. 

O, qeyd edib ki, Lvovda çox müharibə görmürsən, çünki şəhər çox uzaq qərbdə yerləşir: “Biz ilk dəfə müharibənin əsl dağıntısını görəcəyik”.

Şahzadənin səfər zamanı Ukraynanın Milli Tarixi Muzeyini ziyarət etməsi, 200 veteranla və Ukraynanın baş naziri Yuliya Svırıdenko ilə görüşməsi gözlənilir.

Şahzadə Harri hesab edir ki, Kiyevə səfər ona veteranlarla ünsiyyət qurmaq və dağıntıların bir hissəsini öz gözləri ilə görmək imkanı verəcək. 
 
Xatirə SADİQ

Şahzadə Harri Kiyevdə