Si Cinpin Co Baydendən nəyi xahiş edib? – “Reuters” yazıb
Çin lideri Si Cinpin ötən ilin noyabr ayında ABŞ prezidenti Co Baydenlə görüşərkən ondan Ağ Evin Tayvanla bağlı rəsmi açıqlamalarında istifadə etdiyi ifadəni dəyişməsini xahiş edib.
SAVASHMEDİA.az xəbər verir ki bu barədə “Reuters” agentliyi məlumat yayıb.
Məsələ ondadır ki, Çin ABŞ-nin indiki kimi Tayvanın müstəqilliyini dəstəkləməsini deyil, onun müstəqilliyinə qarşı çıxmasını istəyir.
Agentlik yazır ki, iki lider ünsiyyət qurduqdan sonra bu tələb Si Cinpinin müşavirləri tərəfindən təkrar səsləndirilib, lakin Birləşmiş Ştatlar ifadəni dəyişdirməkdən imtina edib.
Ağ Evdən bildirilib ki Bayden-Harris administrasiyası ardıcıl olaraq onların uzun müddət davam edən “vahid Çin” siyasətinə sadiq qalıb.
Çin Xarici İşlər Nazirliyi agentliyin sorğusunu ABŞ-yə ünvanlayıb, çünki Çinin Tayvan məsələsində mövqeyi aydın və ardıcıldır.
“Pekindəki liderlər, şübhəsiz ki, Co Baydenin Tayvan haqqında söylədiklərindən fərqli bir şey söyləməsini çox istərdilər”, - deyə yüksək rütbəli amerikalı məmur bildirib.
O, əlavə edib ki, Bayden Tayvanın müstəqilliyi ilə bağlı standart ABŞ ifadəsinə sadiq qalacaq.
Qeyd edək ki, Pekin Tayvandakı hökuməti separatçı, adanın özünü isə öz əyaləti hesab edir. Hazırda Tayvanın müstəqilliyini yalnız Vatikan və 11 dövlət (Beliz, Qvatemala, Haiti və s.) tanıyır.
Birləşmiş Ştatların Tayvan hakimiyyəti ilə diplomatik münasibətləri yoxdur, lakin 1979-cu ildən bəri Vaşinqtonun adaya müdafiəsi üçün silah verə biləcəyi barədə qanun mövcuddur. Eyni zamanda, Amerika hakimiyyəti “vahid Çin” siyasətinə sadiqdir.
Xatirə SADİQ
