“Təkcə Rusiya deyil, bütün dünya təəccüblənib” - Peskov
“Suriya təhlükəsizlik qüvvələrinin Bəşər Əsədə dəstəyinin zəifləməsi təkcə Rusiyanı deyil, bütün dünyanı təəccübləndirib”.
SAVASHMEDİA.az Rusiya KİV-nə istinadən xəbər verir ki, bunu ölkə prezidentinin mətbuat katibi Dmitri Peskov jurnalistlərlə keçirdiyi brifinqdə bildirib.
Yaxın Şərqdə vəziyyətin təlatümlü olaraq qaldığını vurğulayan sözçü qeyd edib ki, Moskva Suriyadakı münaqişənin hər iki tərəfi ilə əlaqə saxlamağa davam edir.
“Biz Ankara və digər regional dövlətlərlə, o cümlədən Suriya məsələsində dialoq aparırıq. Həqiqətən də Suriya indi qeyri-sabitliklə əlaqədar çox çətin bir dövr yaşayır”, - deyə Peskov bildirib.
Xatirə SADİQ
